Ukelele Kit Project

Ukelele Kit Project (UKP) é un proxecto colectivo e multidisciplinar no que participan máis de 30 creadores galegos – ou vencellados a Galicia - provenientes do mundo da arte, a música e o audiovisual; 30 creadores que partindo dun obxecto físico concreto, puxeron a traballar a súa imaxinación para dar lugar a un proxecto diferente, orixinal e divertido que se levou a cabo baixo o formato de exposición+ciclo de concertos na Zona C de Santiago de Compostela, do 15 de outubro ó 7 de decembro de 2014, en colaboración co Auditorio de Galicia (Concellería de Cultura de Santiago de Compostela).

 

A orixinalidade do proxecto radica en que o nexo de unión de tódalas partes é un ukelele, un instrumento de orixe portugués, que colleu fama en Hawai, e que ó non ter en Galicia ningunha carga tradicional nin estética detrás, deulle total liberdade ós artistas á hora de intervilo, configurándose coma un atípico lenzo en branco que lles permitiu ceibar a súa creatividade. Ademais, o ukelele utilizado no proxecto ten a peculiaridade de que é un ukelele montable, que ten a súa orixe nun dos produtos de máis éxito da tenda O Gato Cósmico, impulsora deste proxecto. Un produto englobado na filosofía D.I.Y (Do It Yourself = faino ti mesmo), na que o consumidor participa na fase final da montaxe creando un obxecto único mediante a súa customización. 

 

 

Así, propúxoselle a 10 artistas que interviñeran, decoraran e montaran un destes ukeleles montables, dando lugar a unha colección de 10 pezas únicas moi diferentes entre si e que mostran os diversos estilos dos seus creadores. Logo diso e, aludindo ó carácter musical que a propia peza ten, propúxoselle a 10 grupos musicais tocar unha canción do seu repertorio utilizando un dos ukeleles da colección, adaptándoa ó instrumento e creando unha versión nova dunha canción xa existente. Por último, propúxoselle a 10 realizadores audiovisuais facer os vídeos das 10 cancións resultantes, 10 vídeos que, partindo dunha idea moi sinxela, mostran a calidade e a creatividade dos seus realizadores.  

 

 Na Zona C de Santiago de Compostela estiveron expostos de maneira fixa os 10 ukeleles e proxectados os 10 vídeos. Ademais, en todo o mes de novembro leváronse a cabo os concertos dos grupos participantes mais a actuación especial de Víctor Coyote na derradeira semana de exposición. Tamén se organizou un ciclo de proxeccións de curtas e videoclips  dos realizadores participantes.

 

Comisaria: Matilde Rodríguez / O Gato Cósmico Tenda

www.ogatocosmico.com

To play, press and hold the enter key. To stop, release the enter key.

press to zoom
press to zoom
press to zoom
press to zoom
press to zoom
press to zoom
press to zoom
press to zoom
press to zoom
press to zoom
press to zoom
press to zoom
press to zoom
press to zoom
press to zoom
press to zoom