Iria Fafián estará ilustrando en directo, durante todo o día, un ukelele montable que pasará a formar parte do proxecto colectivo Ukelele Kit project.

Aínda que catalana de nacemento, Iria Fafián trasladouse a vivir a Galicia e formou un forte vínculo con esta terra, algo que posteriormente influíu moito na súa obra. Estudou Belas Artes en Pontevedra, Angoulême e Altea, ilustración en Barcelona e gravado na Fundación CIEC (Betanzos). Desde que comezou a súa formación viviu en varios lugares, e cada un deles ofreceulle novos estímulos que lle fixeron evolucionar como artista e ilustradora. Na súa obra persoal sempre está presente a relación do ser humano coa natureza, a desmitificación dos roles clásicos e a filosofía oriental. Desde un punto de vista formal, atráelle a sinxeleza, pero tenta chegar a resultados que lle sorprenden mediante a experimentación gráfica, ás veces deixándose levar pola súa parte máis impulsiva.

​

Ver ukeleles edicións anteriores.